VOV4.M'nông: Kêng măng 30/5, dơi geh nău ŭch an bah Thủ tướng Chính phủ, Ban mât uănh Lăng Kruanh Hồ Chí Minh hŏ kan nsum đah Đại sứ quán Việt Nam ta Liên bang Nga n'hanh Viện Nghiên cứu khoa học dược liệu n'hanh tinh dầu Liên bang Nga ƀư tâm nchră n'glôch jêh 30 năm tâm boh na nê̆ mât ndray jŏ jong, mât njrăng đăp mpăn lĕ rngôch săk Kruanh Hồ Chí Minh (1992- 2022). 

  Lah ta rnôk tâm nchră, Thiếu tướng Bùi Hải Sơn -Nuĭh dơi ƀư Kruanh ban Ban Mât uănh Lăng kruanh Hồ Chí Minh, Tư lệnh Bộ Tư lệnh Lăng an gĭt: công nghệ mât ndray săk Kruanh Hồ Chí Minh lah công nghệ dŭt mha êng, lah bah êng liên bang Nga. Yơn lah aƀaơ, ăp nuĭh khoa học bah Việt Nam hŏ dơi mât ndray êng săk Kruanh Hồ Chí Minh, yơn hôm mô dơi lah mô geh ăp nuĭh nai ntĭm nti lah ăp nuĭh khoa học bah Liên bang Nga. Việt Nam gŭ mĭn tay, nkra ăp nkô̆ nău ntoh luh, ƀư lôch jêh ăp tŏng mpeh lý thuyết n'hanh nău tă ơm gĭt ngăn an ăp nuĭh rnâng kan Việt Nam, tĭng kơn chuat hăn n'hanh hăn tât ƀư tơm êng lĕ rngôch công nghệ dja./.

Nuĭh rblang: Điểu Thân