VOV4.M’nông: Tĭng rmôt kan ê nkra ndrel tăch luh tui ka Việt Nam (VASEAP), 5 khay bôk năm aơ, rnoh prăk tăch luh tui ka bah Việt Nam geh nklăp 4,5 rmen đôla, n’hao rlau 44,5% rđil rơh aơ năm e. Êng ka tra ndrel tui geh nklăp 2,8 rmen đola. Gay kơl an ăp nkuăl, rmôt kan, ntŭk tâm boh nau kan pă tăch tui ka bah Việt Nam ndăn ăp nau kơl an bah ăp ntŭk ƀư nau kan văng sa ăp ntil tâm nkuăl (RCEP) gay ma n’hao nau joi ntŭk kan nsum, tâm nthoi nau dơi tâm nau kan tăch rgâl ndrel tăch luh tât ăp dak kan nsum RCEF.

Tâm 2 nar lơ 30-31/5, N’gâng kan ƀư nau kan tăch rgâl (Bộ công thương) tâm rgop nsum đah ăp ntŭk ƀư kan tăch rgâl-ăp ntŭk gŭ kan ntoh măt bah Việt Nam tâm ăp dak kan nsum RCEF 2022. Tâm rơh rƀŭn dĭng lĕ, ăp nŭih ƀư nau kan, nŭih rvăt lăp, ntoh măt ntŭk ƀư kan tăch rgâl bah Việt Nam tâm du đê̆ dak kan nsum RCEF (Trung Quốc, Nhật Bản, Australia) mra mbơh mpeh nau geh dơi, nau ŭch ndrle nau geh đah ăp ntil ndơ tui ka bah Việt Nam tâm ăp ntŭk tăch RCEF./.

Nŭih rblang: H’Thi