VOV4.M'nông: Gay buăt nthoi, ntop kơl ăp đơn vị ƀư njêng tăch rgâl ndơ geh ƀư tăch rgâl mpeh yôk yang, nkual jru ngai n'hanh gôl dak, ôi 5/10, ta Hà Nội, Bộ Công Thương ƀư rgum nchră wăng sa Buăt nthoi ƀư njêng, tăch ndơ geh ƀư tăch rgâl mpeh yôk yang, nkual jru ngai n'hanh gôl dak năm 2022. Nău tĭng ƀư bôk nău kan hun hao tăch rgâl ndơ geh ƀư tăch rgâl mpeh yôk yang, nkual jru ngai n'hanh gôl dak lvang năm 2015- 2020 hŏ nsĭt tay ăp nău dơi mpeh hun hao lĕ rngôch rnoh tăch chrai ndơ n'hanh rhŏ dŏng âk năm rlău aơ ta ăp ntŭk hôm jêr jŏt. Let năp tay, Bộ Công Thương mbra ƀư tơm, kan nsum đah ăp n'gâng kan, ăp nhih pah kan geh tât n'hanh ăp n'gor tâm nkual yôk yang, nkual jru ngai n'hanh gôl dak an tĭng ƀư 6 bôk nău kan rgum tơm, tâm nê geh ƀư lôch jêh rpaih nău kan tâm di gay ntrŭt nsôr hun hao ƀư njêng, mbluh tăch ndơ săk geh âk bah nkual yôk yang, nkual jru ngai n'hanh gôl dak; gŭ mĭn hun hao jŏ jong, n'hao rnoh khlay đah ndơ geh ƀư ta nkual yôk yang, nkual jru ngai n'hanh gôl dak; kan nsum đah ăp n'gor n'hanh lam trong tâm pă kan gay ƀư ăp nău kan tâm pă ndơ tăch rhŏ dŏng an ndơ geh ƀư n'hanh dŏng sa ta nkual yôk yang, nkual jru ngai n'hanh gôl dak./.

VOV.VN

Nuĭh rblang: Điểu Thân