VOV4.M’nông-Ta rơh rƀŭn nchră tal 5 Ban chấp hành Trung ương Đảng khóa 13 ntơm pơk ta nar 4/5 n’hanh nchrăp jŏ tât nar 10/5, Tổng Bí thư Nguyễn Phú Trọng an gĭt, ƀư tĭng bôk nău pah kan năm 2022 n’hanh nglôch lôch ta rơh rƀŭn nchră tal 21 bâh rnâng kan ntĭm leo Trung ương mpeh njrăng, rdâng sa nkhiăn, sa ƀer, n’gâng kan chính trị pă an n’gâng kan Nội chính trung ương leo ƀư, tâm rgop đah ăp ntŭk kan geh kan ngăch ndăn, răng dăng leo mĭn uănh, rdâk njêng trong kan njêng rnâng kan ntĭm leo gâl n’gor mpeh njrăng, rdâng sa nkhiăn sa ƀer. Bâh nău tâm rgop rdâk njêng trong kan, lĕ geh lĕ dĭng lĕ 63/63 n’gor ủy, nkuăl ủy tâm ban ŭch đah nău ntrŭnh njêng rnâng kan ntĭm leo gâl n’gor mpeh njrăng rdâng sa nkhiăn sa ƀer. Tổng Bí thư Nguyễn Phú Trọng dăn đă Trung ương mĭn uănh, uănh n’hêl, an tâm rgop n’hanh ntrŭnh mpeh ăp nău dăn đă,l nău mbơh dăn tâm nău ndơ̆ an uănh bâh n’gâng kan chính trị, ngăn lah mpeh nău ntrŭnh njêng rnâng kan ntĭm leo gâl n’gor mpeh njrăng rdâng nău sa nkhiăn, sa ƀer gay ma ntop n’hao nău leo kan, ntĭm đă mbơh ƀư tĭng răng dăng, tâm ban bâh trung ương tât ntŭk kan ba dâng mpeh njrăng rdâng sa nkhiăn sa ƀer bâh lĕ Đảng, lĕ ƀon lan, lĕ tahen he.