VOV4.M’nông - Mbah rhơn nkah gĭt 91 năm ndâk njêng Đoàn TNCS Hồ Chí Minh (26/3), măng 23/3, Trung ương Đoàn TNCS Hồ Chí Minh ƀư rnê rhơn cán bộ Đoàn ntoh lư lam dak, an ndơ nkhôm Lý Tự Trọng năm 2022 an cán bộ đoàn n’hanh đoàn viên ntoh lư lam dak. 94 cán bộ đoàn n’hanh Đoàn viên ntoh lư lam dak dơi an ndơ nkhôm Lý Tự Trọng lah ăp cán bộ đoàn gưl bah dâng geh nău kan ntoh lư nti ren, pah kan, trong kan, tâm trong kan đoàn n’hanh ntrong leo druh ndăm rchong. Tâm nĕ, 27 nuĭh ntoh măt lah bí thư đoàn gưl nkuăl, 49 ntoh măt lah bí thư đoàn bah dâng n’hanh 18 nuĭh ntoh măt lah bí thư chi đoàn. Ndrel đah 11 nuĭh lah nuĭh rnoi mpôl đêt kơt nuĭh Tày, Thái, Dáy, Mường, H’Mông, Khmer, Mạ.  

          Nuĭh rblang: Y Sưng Phê Ja