Nar 24/7, Ngân hàng Phát triển Châu Á (ADB) lĕ săch sa San-ta-nu Cha-kra-bô-ti mât ƀư Giám đốc Ngih dak mhe ta Việt Nam. Tĭng nĕ, wa Sa-ta-nu Chra-kra-bô-ti mbra ntĭm rđău ăp nău kan bah ADB ta Việt Nam, ntoh măt an ngân hàng tâm nchră nău kơl n’hanh ntrôl lơn tay nău tâm boh bah ngân hàng đah chính phủ n’hanh ăp ding êng.

Wa lĕ groi nđôi nău mbơh ƀư kan ndrel ngih dak an Việt Nam lvang 2023-2026, rgum an nău rgâl bah Việt Nam an jâng wăng sa kloh uĕh, ƀư tĭng nău dơi bah nkual ƀư êng n’hanh ntrôl tâm ban nău rêh jêng. Wa San-ta-nu Cha-kra-bô-ti, nuĭh dak Ấn Độ, geh bơi 28 năm nău blău ơm ta Nam Á, Trung n’hanh Tây Á kơt ta Hoa Kỳ, tâm nĕ geh 18 năm pah kan ta ADB. Pơng lĕ tă mbơh ntĭm gưl prêh an Groi Kruanh (nghiệp vụ nkual ƀư êng n’hanh ndrel ntop kơl) n’hanh way ntuh kơl gưl têh.