Na nê̆, ăp doanh nghiệp leo pâl nđaih ta nkuăl ƀon têh Hồ Chí Minh, Hà Nội, Đà Nẵng n’hanh Quảng Ninh, lĕ geh ăp rơh hăn uănh nđôi, gĭt kan ta ăp ntŭk pâl nđaih ntoh lư bâh Dak Lak : kơt ntŭk pâl rlưn ntung yŭng Buôn Đôn, bri ngih dak mât York Đôn, uănh têl jâng rveh, pâl đah rveh, vah duk ta dak me Sêrêpok, uănh pâl ta yôk lŭ rveh me, dak bât Lăk, tât khâl ntŭk tăm ca cao n’hanh uănh nău pâl nđaih ta ăp ntŭk pâl nđaih n’hanh ăp ntŭk di tích lịch sử.

Ăp mpôl kan lĕ uănh năl ăp khách sạn bâh 3 tât 5 sao ta n’gor Dak Lak n’hanh ký tâm ton kan đah ăp doanh nghiệp tăch rgâl dịch vụ leo pâl nđaih ta Dak Lak. Lôch 4 nar hăn pâl, wa Nguyễn Huyền Trang tât bâh Hà Nội an lah, an geh tâm rgop tay đah ăp n’gor kiau meng gay ma ƀư pâl nđaih ăp ntŭk, gay ma năch geh tât âk lơn.