Nar 12/12, HĐND n'gor Dak Nông ntơm pơk rơh hop tâl 5. Tĭng nău mbơh, năm 2022, n'gor Dak Nông hŏ tĭng ƀư dơi tât n'hanh rlău trong nchrăp hun hao wăng sa rêh jêng kon nuĭh. Na nê̆, rnoh ngăch hun hao GRDP nchroh tât 7,59%, sŏk geh prăk ngân sách ngih dak tât 3.475 rmen prăk, rĭng geh tĭng bôk nuĭh bơi tât 60 rkeh prăk; Rnoh âk rnăk ach o hŭch rlău 3%. 

Ƀư tâm 3 nar, HĐND n'gor Dak Nông mbra mĭn uănh, tâm nchră ăp siƀŭt mbơh, rblang n'hanh 22 trong nchrăp nghị quyết mpeh ăp nkô̆ nău khlay bah n'gor. Rơh hop ntêm an mông ôp rkhêl, ơh nău ôp rkhêl đah Giám đốc ăp Sở: Kế hoạch - Đầu tư, Tài nguyên - Môi trường, Văn hóa Thể thao n'hanh Pâl nđaih; ƀư tâm nchră ta hội trường gay kruanh Ủy ban nhân dân n'gor n'hanh ăp n'gâng kan mbơh rblang, ƀư kloh ăp nkô̆ nău ma đại biểu, cử tri n'hanh ƀon lan uănh khlay.

VOV Tây Nguyên/Nuĭh rblang: Điểu Thân