Ăp nar dja, tâm lam dak ƀư âk  nău kan ngăn ngăn mbah rhơn 79 năm Quốc khánh dak Cộng hòa xã hội chủ nghĩa Việt Nam. Măng nar 29/8, Thành ủy, HĐND, UBND, Ủy ban Mặt trận Tổ quốc Việt Nam nkual ƀon têh Hồ Chí Minh ƀư jă ngêt sa Lãnh sự đoàn ta nkual ƀon têh (ăp tổng lãnh sự) mbah rhơn 79 năm Quốc khánh dak Cộng hòa xã hội chủ nghĩa Việt Nam ta nhih pah kan UBND Nkual ƀon têh.

Kruanh UBND nkual ƀon têh Hồ Chí Minh Phan Văn Mãi mpơl nău uănh khlay n’hanh n’hao êng săk đah ăp nău kan tâm boh dak bah dih khuh n’gôr, geh nkô̆ khlay ma băl mpôl dak bah dih hŏ kan nsum đah nkual ƀon têh gay an ƀư tâm bah ri  aơ nơh. Ntơm bah bôk năm tât aƀaơ, Nkual ƀon têh hŏ wơt rlău 30 mpôl kan gưl têh dak bah dih, lĕ ma kruanh mât bôk ăp dak, n’hanh geh bơi 100 rơh mâp năch dak bah dih đah ăp nkô̆ âk mpưm, rgum tâm boh hun hao wăng sa nâp dăng. Nău dja hŏ mpơl nău khlay kan n’hanh ntŭk gŭ têh khlay bah Nkual ƀon têh đah băl mpôl dak bah dih.

Di nkah 79 năm Quốc Khánh 2/9 dak Cộng hoà xã hội Chủ nghĩa Việt Nam, ôi 30/8, rđau kan n’gor uỷ, HĐND, UBND, UBMTTQ Việt Nam n’gor Dak Lak ndrel ăp rmôt tahen ndrel ƀon lan tât leo nkah, mpoh kthup tâm môch tâp tahen khĭt bah n’gor, bah 2.326 tahen. Tâm nau ƀư rjăp rngăt, ăp ntoh măt hŏ leo nkah, mpoh kthup, dŏng du mnĭt nkah klâng, ntoh nau kơl an ngăn đah nau kan têh kuăng bah ăp tahen jang dăng hŏ roh săck nơm, tâm lơh, khĭt yor nau rklaih rnoi mpôl, đăp mpăn neh dak. Jêh rnôk mpoh kthup, ân nkao, rđau kan n’gor Dak Lak dnrel đah rmôt tahen ndrel âk mpưm ƀon lan mpoh kthup tâm ăp môch tahen./.