VOV4.M'nông: Ôi 29/7, Ban rđău đă Trung ương ăp bôk nău tât kan gưl neh dak lvang năm 2021- 2025 ƀư tâm nchră pơk sŏng dăng đah ăp n'gor uănh năl mpeh jêh geh tĭng ƀư ăp bôk nău tât kan gưl neh dak 6 khay bôk năm 2022; an ƀư ăp nău kan,  trong nkra 6 khay kêng dŭt năm 2022. Groi Thủ tướng Rnâng kan Chính phủ Phạm Bình Minh- Kruanh Ƀan rđău đă Trung ương ăp bôk nău tât kan gưl neh dak lvang 2021 - 2025 ƀư tơm tâm nchră. Ta rnôk tâm nchră, kruanh rđău kan ăp n'gâng kan n'hanh ăp n'gor hŏ mbơh, nkoch kloh ăp nău jêr jŏt, kŏ kol, rgum tâm nchră, dăn đă ăp trong nkra gay ƀư bah ăp nău hôm nchiăng khan tâm bah ri aơ, gay ntrôl ngăch n'hanh geh nău dơi tĭng ƀư ăp bôk tât ăp nău kan gưl neh dak 6 khay kêng dŭt năm 2022. Groi Thủ tướng Rnâng kan Chính phủ Phạm Bình Minh njrăng đă, ăp n'gâng kan ndăn ngăch an ƀư ăp si ƀŭt ntĭm nti tĭng nău dơi gay ăp n'gâng kan tâm dâng an ƀư; ăp n'gor, nkual ƀon têh rđău đă lĕ n'hâm suan, an ƀư geh nău tam 3 bôk nău tât kan gưl neh dak, nsrôih tât kêng dŭt năm n'gluh lôch jêh ăp tơm prăk dơi tâm pă năm 2022.

Nuĭh rblang: Điểu Thân