VOV4.M’nông – Bah năp ƀư ntơm năm nti mhe, Kruanh dak Nguyễn Xuân Phúc lĕ njuăl sam ƀŭt an nău kan ntĭm nti. Tâm rơh ƀư ntơm năm nti mhe aơ 5/9, hang rkeh kon hŏk lam dak lĕ dơi djăt nkô̆ nău sam ƀŭt Kruanh dak njuăl nău kan ntĭm nti. Ăp nău ntĭnh, rƀŏng trong an ntĭm nti tâm năm nti mhe bah Kruanh dak lah nsrôih bah hang rkeh kon hŏk. Bah năp nĕ, Thủ tướng Phạm Minh Chính lĕ tât khâl, ntrŭt đă kon hŏk, nai du đêt ntŭk. Ta n’gor Phú Thọ, Thủ tướng đă, năm nti mhe mô dơi an kon hŏk mô tŏng ndrôm sam ƀŭt giáo khoa, n’hao ntĭm nti nău rêh, nău blău rêh an ăp oh.

Thủ tướng khâl ngih sam ƀŭt tiểu học nkuăl têh Yên Lập, n’gor Phú Thọ.

Thủ tướng Phạm Minh Chính đă ăp ngih sam ƀŭt rgâl trong ntĭm nti gay nkre geh nău nsum, nkre geh nău êng, ntĭm an kon hŏk ăp nău khlay văn hóa, nău uĕh êng rnoi mpôl đêt. N’hao uĕh săk soan n’hanh văn hóa, ăp nău ƀư ntop kơl kon nuĭh tâm ngih sam ƀŭt. Mô an kon hŏk jêr jŏt, kon hŏk nuĭh rnoi mpôl đêt mô geh nti. Nkre, ăp ntŭk an đăp mpăn ndrôm sam ƀŭt giáo khoa an kon hŏk...

Nuĭh rblang: Y Sưng Phê Ja