VOV4.M'nông: Ôi 29/6, Tổng Cục thống kê (Bộ Kế hoạch n'hanh đầu tư) ƀư hop báo mbơh rnoh nchih rgum wăng sa -rêh jêng kon nuĭh Quý 2 n'hanh 6 khay bôk năm 2022. Tĭng nău mbơh, 6 khay bôk năm, GDP hao 6,42% – âk rlău rnoh ngăch hao 2020-2021 yơn mô hŏ plơ̆ tay rnoh 2019; lam dak geh 76,2 rbăn doanh nghiệp đăng ký njêng mhe, hao 13,6%; 602 rbăn năch dak bah dih hŏ tât Việt Nam - hao rlău 6,8 tơ̆ rđĭl đah ndrel khay dja năm e nơh; rnoh tơm prăk ntuh kơl dak bah dih (FDI) geh tât rnoh dŭt âk tâm 5 năm aơ…aơ lah nău mpơl uĕh bah trong sĭt jêng tay wăng sa, 6 khay bôk năm. Tổng cục Thống kê lah rjăp, wăng sa Việt Nam nklăp sĭt jêng tay dăng lơn tâm ăp khay hôm ƀa ƀă bah năm, nău ŭch geh dŏng ndơ n'hanh rhŏ dŏng hao mbra ntrôl rnoh khlay ndơ tăch hao./.

Nuĭh rblang: Điểu Thân