VOV4.M’nông – N’gâng kan Văn hóa thể thao n’hanh pâl nđaih tâm rgop đah ăp n’gâng kan geh tât gay geh trong ntĭm na nê̆ mpeh tĭng nău rnôk pơk mpông pâl nđaih n’hanh an tâm pơh tât. Aơ nău lah bah Groi Thủ tướng Vũ Đức Đam ta rơh rƀŭn mpeh trong pơk mpông dŏng pâl nđaih tâm rnôk tâm di, ngăch, đăp mpăn, uănh nđôi tam srê Covid-19, ndrel đah tĭng trong rdâk nkra tay wăng sa rêh jêng. Ta rơh rƀŭn, ntoh măt ăp n’gâng kan nău kan lĕ tâm nchră na nê̆ mpeh tĭng nău n’hanh tâm ban ŭch trong pơk mpông pâl nđaih lam ntŭr neh bah 15/3/2022. N’glôn jêh ta rơh rƀŭn, Groi Thủ tướng Vũ Đức Đam lah rjăp: Aƀaơ tĭng nuih n’hâm nâm ơm mhe, tâm di đăp mpăn, ngăch, uănh nđôi ngăch he an geh nău kan ndăn tĭng n’gâng kan nău kan hăn ndrel, jao an N’gâng kan văn hóa lah bôk năp pah kan đah N’gâng kan dak si n’hanh ăp n’gâng kan geh trong ntĭm na nê̆ mbơh đah Chính phủ ntrŭnh đah nău pă Visa.

Nuĭh rblang: Y Sưng Phê Ja