VOV4.Mnông- Vơt oh kon se plơ̆ tay ngih nti ta n’gul khay 2 năm 2022, ăp gâl kan ntŭk kan mầm non ta nkuăl ƀon têh Pleiku, n’gor Gia Lai dôl geh mbơh ƀư tay âk trong kan gay ma mât đăp mpăn rnă njrăng nuh srê Covid-19.

Oh kon se nti mầm non văn bok put mbung tâm rnôk g nti

Ndrel đah nĕ, ăp ntŭk kan mbơh tơih, rgŏ jă mê̆ bơ̆ ndơ̆ oh kon se tât ngih nti, ndâk nsơm tay nău rêh kơt ơm mhe. Ntŭk kan ntĭm n’hanh nti Gia Lai an gĭt, aƀaơ lam n’gor geh 253/257 ntŭk leo kan an oh kon se mầm non nti rgum. Bâh bơi tât 1 pơh, lĕ geh 8% oh kon se tât ngih nti. Uănh nsum, ta ăp nkuăl, nkuăl têh, rnoh oh kon se mầm non plơ̆ tay ngih nti lah dŭt âk. Đah nău ntĭm nti mât đăp mpăn, rnoh oh kon se plơ̆ tay ngih nti dôl geh n’hao mât ăp nar. Tĭng nău mbơh bâh ntŭk kan ntĭm nti n’gor, gâl nti mầm non lah gâl nti dŭt khlăy, kơl an oh kon se hun hao lĕ rngôch ăp nău dơi, gĭt vât n’hanh hun hao nău mĭn njêng nău knơm an oh kon se ê lor lăp nti jrô 1. Yor nĕ, nău an oh kon se plơ̆ nti ơm tay ta jrô nti lah nău kan dŭt khlăy.

Nuĭh rblang: Thị Đoắt