VOV4.M'nông: Nar 6-5, ta n'gor Bến Tre, Ủy Ban xã hội bah Quốc hội kan nsum đah Mpôl đại biểu Quốc hội đơn vị n'gor Bến Tre ƀư  tâm nchră nô nău tĭng ƀư trong kơl an nuĭh kan, nuĭh tơm dŏng nuĭh kan ta nkual mpeh bah dâng mâp jêr jŏt tă bah nuh srê Covid-19. Đah nkual mpeh Nam bộ, hŏ geh rlău 2,5 rkeh nuĭh geh n'hâm suan cách mạng, rnăk ach o, rnăk dăch kêng ach o dơi ntop kơl đah lĕ rngôch tơm prăk rlău 2.660 rmen prăk. Năm rlău aơ, tă bah nuh srê ntoh hô, ăp n'gor mpeh Nam bộ geh lĕ rngôch prăk dŏng kơl âk, âk 78,4% rđĭl đah lĕ rngôch rnoh ntop kơl lam dak. Lah ta rơh tâm nchră, ăp nuĭh an lah, ăp trong kơl tă bah Chính phủ an dŏng năn ngăch, grêt dăch ngăn ngăn nău rêh tâm nô nău nuh srê Covid-19 dôl tât krit nji, hŏ tâm pă jêr jŏt đah nuĭh ƀon lan, doanh nghiệp lơn lah rơh nuh srê tâl 4. Ăp n'gor mpeh nkual Nam bộ nsrôih tât lĕ khay 6 năm aơ nkra lôch jêh ăp si ƀŭt hôm khan; dăn đă tay trong kơl, ăp trong nkra ân ntop kơl nuĭh ƀon lan mâp jêr jŏt./.

Nuĭh rblang: Điểu Thân