Ntŭk tâm rlong aơ geh 10 n’gor  (Đắk Lắk, Đắk Nông, Lâm Đồng, Gia Lai, Kon Tum, Phú Yên, Khánh Hoà, Bình Định, Quảng Nam, Quảng Ngãi). Tâm năm 2022, nău ngăch hun hao wăng  sa bâh ăp n’gor tâm nkual lĕ âk rlău đah năm 2021, ntoh lư ngăn lah n’gor Khánh Hòa hao rlău 22%,

Lâm Đồng hao rlău 12%, Quảng Nam hao rlău 11%...nău geh râng geh bâh ăp n’gor lĕ geh n’hanh rlău nău nchrăp. Ntoh ngơi ta rơh rƀŭn nchră, Thượng tướng Trần Quốc Tỏ groi kruanh n’gâng kan công an, mât ntŭk tam rlong ăp n’gor Tây Nguyên n’hanh duyên Hải miền Trung dăn đă, ăp n’gor tâm ntŭk tâm rlong an geh mât uănh tay lơn tât nău tâm rgop ta nkual njêng nău tâm ban, dơn ngoăy du nuih n’hâm tâm trong hun hao wăng sa ta ntŭk. An geh nsrôih rgâl mhe mpeh nkô̆ nău pah kan bâh ntŭk kan mât đăp mpăn săk rnglăy tay lơn, an geh n’hao nău tâm rgop na nê̆, tâm kơl n’hanh kơl an mpeh tâm rgop tâm mbơh nău tă blău kan mpeh hun hao wăng sa đah ăp n’gor tâm ntŭk kan.