Lơ 4/9, ta âk nkuăl tâm 3 nkuăl yôk prêh bah n’gor Kon Tum, geh: Đăk Glei, Tu Mơ Rông ndrel Kon Plông geh mih. Nchrăp rnoh khuch tât bah phŭt mrô 3 lŏ ƀư jêng mih, lơn ma hao khuch nau rluh neh tâm nkual, ntŭk kan ntĭm nti ndrel n’gâng kan ăp nkuăl bah Kon Tum hŏ nchrăp ƀư nau kan lăp năm nti mhe tâm rnôk geh mih dak lip. Ban Giám hiệu ăp ngih săm ƀŭt mbơh ma me mbŏ kon se leo kon hăn râng năm nti mhe gay đăp mpăn nâp nâl.

Năm nti 2024-2025 n’gor Kon Tum geh rlau 45 rbăn kon se ntơm lăp nti. Gay nar lăp năm nti mhe 5/9 ngăn ngên lah nar rgum lam ƀon lan leo kon hăn nti, ntơm bôk khay 8, N’gâng kan ntĭm nti n’gor Kon Tum ndâk 6 rmôt kan mêt uănh nau nchrăp năm nti mhe tâm ăp ntŭk ntĭm nti bah 10 nkuăl, nkuăl ƀon têh tâm n’gor./.