Kêng măng 12/11, ta nkual ƀon têh Pleiku, N’gor ủy Gia Lai n’hanh Học viện Chính trị Quốc Gia Hồ Chí Minh ƀư rgum nchră khoa học hun hao nâp nâl pâl nđaih văn hóa n’hanh pâl nđaih sinh thái nâp nâl nkual Tây Nguyên tâm lvang aƀaơ hin. Ta aơ, 50 râng nău tâm nchră bah ăp nuĭh khoa học, nuĭh mât uănh, doanh nghiệp pâl nđaih lĕ geh âk nău rgop khlay mpeh mĭn njêng n’hanh nău ngăn mpeh pâl nđaih Tây Nguyên. Ta rgum nchră, ăp nuĭh way kan, ăp nuĭh khoa học rgum nkoch mbơh, tâm nchră mpeh ăp nău kơt nău mĭn êng mpeh hun hao nâp nâl pâl nđaih văn hóa n’hanh pâl nđaih sinh thai; dơh nău geh ơm n’hanh joi ƀư, dŏng ăp ndơ an hun hao pâl nđaih văn hóa n’hanh pâl nđaih sinh thái nkual Tây Nguyên;

Joi ntăm ndơ n’hanh tâm rgop ntrôl ngăch mpla nsơ gay hun hao nâp nâl pâl nđaih nkual Tây Nguyên; Dơi geh, ntŭl rlong n’hanh ăp nău n’gluh an hun hao nâp nâl pâl nđaih văn hóa n’hanh pâl nđaih sinh thái nkual Tây Nguyên tâm rnôk aƀaơ; nchrŏng trong, trong mkra hun hao nâp nâp pâl nđaih văn hóa, pâl nđaih sinh thái nkual Tây Nguyên;... Ăp nuĭh ƀư, nuĭh mĭn njêng, nuĭh mât uănh rgop đŏng âk nău dăn đă trong mkra mpeh ntrôl dăng nkoch trêng, n’hao nău wât bah nsum mpôl ƀon lan mpeh hun hao nâp nâl pâl nđaih văn hóa, pâl nđaih thái sinh; lôch jêh nău ntrŭnh, nău kơl, nta an mât uĕh ƀư tơm bah nsum mpôl ƀon lan hun hao pâl nđaih nâp nâl hăn ndrel đah mât rƀăy n’hanh ƀư uĕh ăp nău khlay văn hóa ta ntŭk, ndâk njêng thôn ƀon mhe.