Mpeh trong kan ndâk njêng pháp luật, tĭng nău  nchrăp bôk nău kan, Ủy ban TVQH uănh mĭn, an rgop mpeh nău nchrăp ƀư: Luật ăp rmôt kan an manh prăk (nkra rgâl); Luật neh ntu (nkra rgâl); Luật nkra rgâl, ntop tay du đêt điều bah Luật Xuất cảnh, nhập cảnh bah nuĭh ƀon lan Việt Nam n’hanh Luật Nhập cảnh, xuất cảnh, hăn rlău ir, gŭ âm bah nuĭh dak bah dih ta Việt Nam.

UBTVQH an rgop nău mpeh nău nchrăp mpeh dự thảo Ngih quyết nkra rgâl, ntop tay Nghị quyết mrô 85 mpeh nău sŏk phiếu nsing nơm, nklăch phiếu săch tay đah nuĭh mât tay nău kan yor Quốc hội, HĐND săch mô lah uănh an. Geh tât ăp nău wăng sa-rêh jêng, Ủy ban TVQH an rgop mpeh nău mbơh uănh lah ntop tay jêh ƀư tĭng nău kan hun hao wăng sa-rêh jêng n’hanh tơm prăk ngih dak năm 2022; nu nău mbơh ƀư tĭng trong nchrăp hun hao wăng sa-rêh jêng n’hanh tơm prăk ngih dak ăp khay bôk năm 2023 n’hanh du đêt nkô̆ nău khlay êng.