Ƀư tĭng nau kuăl jă bah ăp đồng chí Tổng Bí thư, Kruanh dak; Thủ tướng Chính phủ; Uỷ ban Trung ương Mặt Trận Tổ quốc Việt Nam, ôi 11/9, Ban Tuyên giáo Trung ương rgŏ jă nau rgop kơl an nŭih geh nau khuch yor phŭt mrô 3 lơh. Yor geh nau khuch bah phŭt mrô 3, daklip ndrel rluh neh tâm du đê̆ n’gor hŏ ƀư 200 nŭih khĭt ndrel roh; 760 nŭih rmanh. Rnoh neh ba, tuh mbo ndrel tơm sa play geh dak lip băn, khuch tât 200 rbăn ha. Tâm ăp n’gor phŭt tât, âk rbăn ngih vâl rlâm, plôk chor, khuch djơh. Nchrăp rnoh khuch yor phŭt lơh hao tât âk rbăn rmen.

Đah nuih n’hâm tâm kơl an, “n’ha ueh nkŭm n’ha sat”, Ban Tuyên giáo Trung ương kuăl jă ăp cán bộ, công chức, viên chức, nŭih pah kan ƀư tĭng nau kuăl jă bah Uỷ ban Trung ương MTTQ Việt Nam; nsum ty rgop n’hâm, kơl an mpeh nuih n’hâm ndrel drăp ndơ gay kơl an ƀon lan ăp nkuăl geh nau khuch yor mih dak lip rlet nau jêr. Ăp nŭih cán bộ, công chức, nŭih pah kan kơl an đê̆ ngăn du nar prăk khay gay ma rgop nau kơl an kônh wa mâp nau jêr yor dak lip lơh./.