Kêng măng 31/7, Groi Kruanh Rnâng kan văng sa Trung ương Nguyễn Hồng Sơn ndrel rmôt hăn kan hŏ pah kan đah Thành uỷ Cần Thơ mpeh nau ƀư nau ntrŭnh mrô 59 bah Bộ chính trị ndâk njêng ndrel hun hao nkuăl ƀon têh Cần Thơ. Nau ntrŭnh 59 bah Bộ chính trị lah nau tơm, nau nsing khlay gay Quốc hội, Chính phủ ndrel ăp ntŭk kan, n’gâng kan geh tât ndâk ndrel ntrŭnh ăp nau kan, nau kơl gay dŏng ndrel ƀư ueh ngăn nau dơi, nau geh jêng bah nkuăl ƀon têh tât năm 2030 Cần Thơ lah nkuăl ƀon têh ueh, blau, ăp ntil nau ơm mpeh dak me nkuăl Đồng bằng sông Cửu Long.

Nkô̆ nau, nau kan ndŏ luh đah rmôt kan mêt uănh lah nchră ƀư dơi ăp nau tă geh dơi bah ăp nkô̆ nau, nau kan, ntrong kan, nchŏng luh ăp nau nkol, nau ê dơi ndrel nkô̆ nau jêh rlau 2 năm ntrŭnh ƀư nau ntrŭnh. Tĭng wa Phạm Văn Hiểu, Groi Bí thư Rnâng kan Thành uỷ Cần Thơ, aơ lah rnôk gay nkuăl uănh, nchră tay nau kan tâm rơh rlau aơ, moh nau geh dơi ƀư ndrel ê dơi ƀư, kơl an nkuăl ƀư ueh ăp nau dơi, rklaih ăp nau ê dơi, jêr, ntrŭt dăng nau kan hun hao bah nkuăl ƀon têh./.