VOV4.M’nông –  Nkhêp di nkah gĭt 132 năm Nar deh Kruanh Hồ Chí Minh (19/5/1890-19/5/2022), nar 19/5, Báo điện tử Đảng Cộng sản Việt Nam na nê̆ mbơh rup ntoh mpơl mhe Trang thông tin điện tử Hồ Chí Minh gay rgâl mhe, n’hao uĕh nkô̆ nău, trong ƀư mbơh mpơl tâm di nău ŭch bah nuĭh uănh tâm dak n’hanh lam ntŭr neh.

Báo điện tử Đảng Cộng sản Việt Nam na nê̆ mbơh rup ntoh mpơl mhe

Đồng chí Nguyễn Trọng Nghĩa, Bí thư Trung ương Đảng, Kruanh Ban tuyên giáo Trung ương râng n’hanh ntoh ngơi ta nău ƀư khlay aơ. Ntoh ngơi ntĭm rđău ta nar ƀư, Đồng chí Nguyễn Trọng Nghĩa đă Báo điện tử Đảng Cộng sản Việt Nam uănh, ntop tay nu nău, sam ƀŭt ơm yău gay nkoch trêng, mbơh, kơl an băl răk tâm n’hanh bah dih dak wât jru lơn, lĕ rngôch, di lơn, uĕh lơn mpeh nău rêh, nău kan bah Kruanh Hồ Chí Minh n’hanh drăp ndơ bah nuĭh n’glơi an. NKre, nkoch ăp nău uĕh, ntoh lư mhe, soan rêng lam hvi, ntrŭt nsôr ăp nău ntrong leo tâm rlong rŏng dak, nti n’hanh ƀư tĭng nău mĭn, nău rêh, pah kan Hồ Chí Minh.

Nŭih blang: Y Sưng Phê Ja