VOV4.Mnông - Nar naơ, 24/4, mpôl pah kan bâh rnâng kan n’gor Ủy Dak Lak yor wa Nguyễn Đình Trung, ủy viên Trung ương Đảng, Bí thư n’gor Ủy leo mpôl lĕ tât uănh nđôi ta ntŭk n’hanh ntĭm leo nău kan uănh nđôi, nduĭh rmal nău muĭh kăl bri dŭt âk đah bơi tât 400 ha bri ta xã Ya Tờ Mốt, nkuăl Ea Sup.

Ta ntŭk muĭh kăl bri, nuĭh leo kan n’gor Dak Lak lĕ djăt mpôl kan têh mbơh tơih mpeh nău muĭh kăl bri. Ndrel đah nĕ, mpôl kan lĕ tât ôp khâl, pă ndơ rgŏ jă ăp cán bộ, tahen công an n’hanh mpôl kan êng dôl pah kan, Wa Nguyễn Đình Trung đă mpôl kan têh ngăch ndăn ƀư lôch nău uănh năl ta ntŭk gay ma ngăch ƀư tay ăp nău phong tay. Nkre lah an geh ƀư kloh na nê̆ ñău kan, rmal răng dăng ăp nuĭh, ntŭk leo kan geh tât.

Nuĭh rblang: Thị Đoắt