Kêng măng nar 31/3, Ban Thường vụ Tỉnh ủy Kon Tum hŏ mbơh n'hanh ndơ̆ siƀŭt n'glêh an n'hao Bí thư Tỉnh đoàn ƀư Chánh Văn phòng Tỉnh ủy. Tĭng nău n'glêh an, Ban Thường vụ Tỉnh ủy Kon Tum n'hao, tâm pă nău kan n'hanh ntăm an wa Xiêng Thanh Phúc, Tỉnh ủy viên, Bí thư Tỉnh đoàn Kon Tum ƀư Chánh Văn phòng Tỉnh ủy.  wa Xiêng Thanh Phúc, rnoi Giẻ- Triêng, deh năm 1983 ta xã Đăk Nông, nkuâl Ngọc Hồi, n'gor Kon Tum. Wa Xiêng Thanh Phúc râng pah kan Đoàn bah năm 2008 n'hanh geh trình độ Thạc sĩ chuyên ngành quản lý công.

Ntơm năm 2016 tât aƀaơ Bí thư Tỉnh đoàn Kon Tum. Lah ta rnôk dơn nău kan Chánh Văn phòng Tỉnh ủy Kon Tum, wa Xiêng Thanh Phúc mpơl nău lah uĕh nău nsing nơm bah Ban Thường vụ Tỉnh uỷ Kon Tum n'hanh ton mbra mô rlu tiăr nti, gay ƀư lôch jêh uĕh nău kan dơi jao. Bah năp nê tâm nar 30/3, Ban Thường vụ Tỉnh ủy Kon Tum hŏ ƀư Lễ mbơh n'hanh n'glêh an n'hao, tâm  pă kan n'hanh nchŏng đă wa Thái Văn Tưởng, Tỉnh ủy viên, Chánh Văn phòng Tỉnh ủy ƀư Bí thư Huyện ủy Đăk Glei.