Nkah ndray 98 năm Nar Báo chí cách mạng Việt Nam (21-6), kruanh rđău kan n’gor Dak Lak hŏ tât khâl n’hanh mbah rhơn Nhih pah kan Radio nău ngơi Việt Nam way gŭ kan ta Nkual Tây Nguyên. Ntơh măt kruanh rđău kan n’gor Dak Lak, Bí thư Tỉnh uỷ Nguyễn Đình Trung njuăl nău mbah rhơn uĕh lăng tât cán bộ, công chức, viên chức, nuĭh kan bah Nhih pah kan Radio nău ngơi Việt Nam way gŭ kan ta Nkual Tây Nguyên, mbah rhơn ăp nău dơi tĭng ƀư nău kan nkoch trêng nău lư bah Radio nău ngơi Việt Nam lah nsum n’hanh Nhih pah kan Radio nău ngơi Việt Nam way gŭ kan ta Nkual Tây Nguyên lah êng hŏ dơi geh tâm bah ri aơ nơh.

    Bí thư Tỉnh uỷ Dak Lak an lah, ndrel đah nău rdâk njêng n’hanh pơk ƀoh ăp nău lư mhe. Nhih pah kan Radio nău ngơi Việt Nam way gŭ kan ta Nkual ƀư njêng, pơk 6 ntil nău ngơi tâm lĕ rngôch rnoh 13 ntil nău ngơi rnoi mpôl đê̆ Radio nău ngơi Việt Nam dŭt ngăn ngăn. Aơ lah du trong nkoch trêng nău lư, trong nchrăp, gung trong, trong kơl bah Đảng, Ngih dak tât  ƀon lan rnoi mpôl đê̆ du trong ngăch di n’hanh geh nău tam rgop khlay tâm nău hun hao nsum bah n’gor./.