Nkhêp geh bôk năm mhe Giáp Thìn 2024, wa  Nguyễn Đình Trung, Ủy viên Trung ương Đảng, Bí thư Tỉnh ủy Dak Lak ndrel mpôl pah kan hŏ tât khâl n’hanh mbah rhơn năm mhe du đêt doanh nghiệp gŭ kan ta nkual ƀon têh Buôn Ma Thuột.

Ta ăp ntŭk tât khâl, wa Nguyễn Đình Trung hŏ nchih nkah n’hanh rnê  âk ăp nău nsrôih bah ăp Công ty rnôk hŏ rlău dơi ăp jêr jŏt, ntul rlong tâm năm 2023 gay mât  mbro n’hanh hun hao  ƀư njêng; tĭng ƀư ăp ăp trong kơl prăk khay, nkhôm rnê tâm ban kơt nău kan đăp mpăn lam  rêh jêng kon nuĭh  an nuĭh kan, rgop uĕh tâm nău  hun hao nsum bah n’gor Dak Lak. Tâm let năp tay, wa  Nguyễn Đình Trung ŭch rŏng  ăp Công ty ntik n’hao tay ăp nău dơi hŏ geh n’hanh n’hao rnoh ngăch dăng kan, têh hvi  nău kan nar lơn ma têh hvi đŏng gay nsĭt tay nău dơi uĕh, rgop  tâm nău hun hao wăng sa-  rêh jêng kon nuĭh bah n’gor  tâm ban kơt mât chăm nău rêh an nuĭh kan./.