Lơ 28/8, ta Ngih Ban Đối Ngoại Trung ương, wa Lê Hoài Trung, Bí thư Trung ương Đảng, Kruanh Ban Đối ngoại Trung ương, lĕ rgum nchră đah Tổng Bí thư Đảng Cộng sản Ấn Độ Doraisamy Ra Ja nkhêp di Mpôl đại biểu Cộng sản Ấn Độ geh rơh khâl Việt Nam.

Ta rơh rgum nchră, đồng chí Lê Hoài Trung mĭn lah Đảng cộng sản Việt Nam uănh khlay nău ƀư tơm n’hanh jâng nsan bah Đảng Cộng sản Ấn Độ, mpŏng n’hao lơn tay tâm boh đah Đảng Cộng sản Ấn Độ kan ndrel têh hvi lĕ rngôch ma hôm lah dak băl way ơm, dăch dêh bah Việt Nam. Wa Lê Hoài Trung lah rjăp Đảng, Ngih dak Việt Nam uănh khlay tâm boh đah ăp dak, băl bên way ơm, ăp đảng cộng sản, phung pah kan, cánh tả lam ntŭr neh. Wa Lê Hoài Trung tâm nchră ăp trong n’hao tâm boh 2 Đảng tâm năm tât.