VOV4.M’nông – Gay nchrăp an rơh rƀŭn tal 3, Quốc hội khóa 15, kêng măng 28/4, wa Phan Đình Trạc-Ủy viên Bộ chính trị, Bí thư Trung ương Đảng, Kruanh Ban Nội Chính Trung ương ndrel ăp nuĭh ntoh măt quốc hội n’gor Lâm Đồng lĕ geh nar mâp nuĭh ƀon ta xă Xuân Thọ, TP Đà Lạt. Ta nar mâp, ntoh măt Mpôl đại biểu quốc hội n’gor Lâm Đồng lĕ mbơh mpeh ăp nkô̆ nău khlay bah rơh rƀŭn tât, nkre mbơh jêh săk rnglăy wăng sa-rêh jêng 3 khay năm 2022.

Wa Phan Đình Trạc-Ủy viên Bộ chính trị, Kruanh Ban Nội chính Trung ương ntoh ngơi  ta nar mâp nuĭh ƀon lan.

Tĭng nĕ, bôl khuch bah srê Covid-19 yơn knơm mbơh ƀư tâm ban âk trong mra nău nâm ơm mhe, wăng sa rêh jêng bah neh dak lĕ ngăch rdâk hao. Tâm nĕ, hao jêng GDP geh âk, kơp hao 5,03%, nkual tăch rgâl hao 4,58%, âk bơi 1,5 tơ̆ nkôp đah ăp năm 2020-2021. Êng n’gor Lâm Đồng, sŏk an tơm prăk ngih dak tâm 4 khay bôk năm geh rlău 4.700 rmen prăk, hao 4,76% nkôp đah rơh aơ; năch pâl năch geh rlău 2,3 rke4h nuĭh, hao 33% nkôp đah rơh aơ năm 2021. Nuĭh ƀon lan dăn đă du đêt nău ndal mhe ntoh ŭch ăp gưl, ăp nău kan geh tât nkra rgâl, nĕ lah: nău pă sam ƀŭt kơp dơn neh hôm e mbrơi, trong kan dăp rgum neh hôm e vĭ vĕ, mô hŏ di, prăk manh ntuh kơl nkra njêng jêr gĭt tât.

Nuĭh rblang: Y Sưng Phê Ja