VOV4.M’nông: Kêng măng 21/8, nau mbơh tă bah N’gâng kan rđau tahen Biên phòng n’gor Kon Tum mbơh, rmôt kan khân păng tâm rgop nsum đah N’gâng kan rđau tahen Biên phòng n’gor Tây Ninh ƀư nau kơl an du hê kon se bu ur 16 năm tâm xã Đăk Sú, nkuăl Ngọc Hồi, n’gor Kon Tum geh bu rlăm tăch Campuchia đah nau mbơh lah ƀư công nhân geh sa prăk khay âk. Bah nau mbơh bôk năp, Y Liên, mbơh ân rmôt tahen Biên phòng ri Lê Ngọc Nhất mơng păng tâm mạng xã hội Facebook tăch păng ân công ty bôk năp đah rnoh 1.800 đola, jêh nê, Y Liên geh bu tăch ân công ty êng.

Yor nau kan nchâp đă jâk ir, mô tŏng dơi kan, Y Liên ŭch dăn rlu kan gay ma sĭt Việt Nam yơn Công ty đă ndŏ 3.500 đola mô lah ân jă dơi 3 tât 5 nŭih hăn pah kan ân công ty ri mơ dơi sĭt dak nơm. Lap lah Y Liên geh rmôt kan tahen Biên phòng Kon Tum ndrel Tây Ninh tâm rgop kơl an. Jêh rnôk kơl, kêng măng 20/8/2022, Y Liên geh rmôt tahen Biên phòng Kon Tum ndrel Tây Ninh leo nsĭt Việt Nam bah mpông hăn dak ba dih Mộc Bài, Tây Ninh ndrel geh sĭt n’gor Kon Tum mâp ma rnăk vâl./.

Nŭih rblang: H’Thi