N’gâng kan Thông tin-Truyền thông n’hanh Công an n’gor Bình Dương mhe jă N.T.P (28 năm, gŭ nkual ƀon têh Thủ Dầu Một, n’gor Bình Dương) hăn pah kan yor nchih tih nău ngăn tâm mạng xã hội mpeh nău rdôl lơh ngih pah kan xă ta nkuăl Cư Kuin, n’gor Dak Lak. Jêh uănh nđôi, Thanh tra N’gâng kan Thông tin-Truyền thông n’gor Bình Dương n’hanh Công an n’gor Bình Dương saơ P. lĕ dŏng tài khoản pơng moh “Pii Nguyen” nchih tâm facebook nău nsŭk nsôr ƀư roh đăp mpăn, mưch rmôt công an geh tât nău ta nkuăl Cư Kuin, n’gor Dak Lak.

Pah kan đah ngih pah kan dơi kan, N.T.P lĕ djôt dơn nău ƀư bah nơm lah tih pháp luật n’hanh ton mbra mô tih tay. Thanh tra N’gâng kan Thông tin-Truyền thông n’gor Bình Dương lĕ an rmal hành chính P. rnoh prăk 7,5 rkeh mpeh nău tih “Mbơh, nkoch nu nău mưch nsing nơm bah ngih pah kan, rmôt kan, nuih n’hâm bah êng nuĭh”. Ngih pah kan dơi kan đă P. rơih jăng nău nchih tih nău ngăn tih pháp luật.