Kêng măng 27/3, Bộ Công an ƀư tâm nchră gưl neh dak tâl 4 đah nkô̆ "Tâm n'guăk mât prăp nău lư bah n'gâng kan bah lơ, n'gor tâm trong tâm n'guăk mât prăp nău lư gưl neh dak". Tĭng ăp đại biểu, tâm rơh mhe bah cách mạng 4.0 n'hanh rgâl mbrô, ân rdâk njêng du trong tâm n'guăk mât prăp nău lư mhe gay tŏng đah nău ŭch geh rgum nchih, mât prăp nău lư n'hanh nkra mât prăp nău lư. Rnôk nău lư dơi n'glăp an tâm du jâng nsing dơn ngoăy nta trong dơh an nău tâm pă sŏk, rgum mât prăp nău lư lam dak, nkre  n'hao nău dơi tam pah kan rhŏ dŏng ƀư siƀŭt ngih dak.

 Tâm n'guăk mât prăp nău lư mhe rgop an ntrôl dăng rgum lăp n'hanh tâm pă nău lư n'hanh bah ir rmeh nău lư. Yơn lah jêr jŏt aƀaơ lah nău buăt nthoi ăp rêng kan way kan, ntŭk mât prăp nău lư way dŏng kan bah ăp n'gâng kan hôm jêr jŏt. Tĭng ăp nuĭh, gay nkra nău buăt nthoi nău lư ri ăp n'gâng kan ân dơn ngoăy rgum joi mât prăp nău lư,  mât dŏng, tâm pă nău lư. Nkre Chính phủ ân ơm rdâk njêng n'hanh n'glăp dŏng ntŭk rgum mât prăp nău lư gưl neh dak gay nkra bah mô ăp tŏng tâm trong buăt nthoi, tâm pă nău lư rgum prăp.