VOV4.M'nông: Nar aơ (5/5), Cục Ntrŭt ntrôl ngăch tăch rgâl kan nsum đah ăp Thương vụ Việt Nam ta ASEAN ƀư rơh mbơh nti tăch n'gluh phe ba tât ASEAN. Nar dja dơi ƀư ta An Giang nkre đah pơk sŏng dăng bah ngai ma ndơ ƀoh Zoom n'hanh nchih mbơh ta fanpage Facebook Cục Ntrŭt ntrôl ngăch tăch rgâl, Bộ Công Thương. Ta rơh mbơh nti mbra ntêm an mông mbơh nti na nê̆ nkô̆ bah ăp doanh nghiệp geh tât nău kan ƀư tăch n'gluh phe ba tât ăp dak ASEAN. Rlău ma Philippines, phe Việt Nam hôm dơi tăch n'gluh tât ăp ntŭk khlay êng ƀa ƀă tâm ASEAN đŏng kơt Malaysia, Singapore, Indonesia, Brunei. Dăp rgum phe tăch n'gluh bah Việt Nam dôl tĭng trong rƀŏng hao âk ăp ntil phe ƀô kah, phe kah khlay, phe japonica, phe bok n'glang đah rnoh khlay tăch n'hanh rnoh kah uĕh hao âk rlău. Nău ŭch tăch n'gluh phe bah lam dak hŏ dơi rgâl đŏng, tât năm 2030, nchrăp dơn hôm nklăp 4 rkeh tấn./.

Nuĭh rblang: Điểu Thân