Kêng măng ntri (8/11), ta Hà Nội, Bộ Công an ƀư Lễ tĭng Nar Pháp luật dak Cộng hòa xã hội chủ nghĩa Việt Nam. Đại tướng Tô Lâm, Ủy viên Bộ Chính trị, Bộ trưởng Bộ Công an ƀư tơm rơh Lễ.

Lah ngoăy tâm ăp bộ, n’gâng kan nsrôih dâk leo lor bôk năp tâm rdâk njêng n’hanh lôch jêh trong leo ƀư, kơp êng ntơm bah khay 11/2022 tât aƀaơ, Bộ Công an hŏ ƀư tơm nchih rgum, hao rblang dăn Quốc hội n’gluh an dŏng 02 luật; hao mbơh rblang Quốc hội n’gluh an dŏng 01 nghị quyết; hao rblang dăn Quốc hội mĭn uănh, an nău rgop ta Rơh hop tâl 5 n’hanh mbra mĭn uănh, an dŏng ta Rơh hop tâl 6 đah 02 trong nchrăp luật lah Luật Mpôl râng mât rnă njrăng, đăp mpăn tâm dâng n’hanh Luật Căn cước. Lah ta rnôk rđău đă tâm nchră, Bộ trưởng Tô Lâm đă Công an đơn vị, n’gor đăm jru tay, tĭng ƀư jăp, geh nău tam ăp siƀŭt rđău đă geh tât pah kan rdâk njêng, lôch jêh pháp luật.