Bộ trưởng Bộ Giáo dục n'hanh Đào tạo Nguyễn Kim Sơn ndrel mpôl hăn mhe geh rơh pah kan đah cán bộ n'gâng tơm Nhih nti Đại học Tây Nguyên. Lôch djăt ăp nău lư bah nhih nti, Bộ trưởng Bộ Giáo dục n'hanh Đào tạo Nguyễn Kim Sơn dăn đă: Đại học Tây Nguyên ân ndăn dŏng ăp ndơ săk geh dơh uĕh gay rdâk njêng Đề án, tor lor trong ntĭm nti tâm let năp tay.

Nhih nti ân njrăng uănh khlay tât 2 rmôt n'gâng kan tĭng nău ŭch geh bah n'gor lah hun hao công nghệ, kỹ thuật n'hanh rmôt khoa học n'hanh nhân văn, rhŏ dŏng an nău mât njrăng rêh jêng kon nuĭh, mât leo rêh jêng kon nuĭh, tĭng nău way ôp brah lah yang, rnoi mpôl đê̆, văn hóa an Tây Nguyên. Ndrel đah nê, nhih nti ntrôl dăng tay gŭ mĭn khoa học; săk tơm ntĭm nti bah nhih nti ân dơi weh ƀư geh nău tam gay wăch rgum sinh viên, n'hao rnoh âk sơch lăp nti; geh trong rƀŏng, trong têh dơi mhe tâm pah kan sơch lăp nti; geh trong hun hao jŏ jong rmôt ăp nuĭh khoa học, ma trong đă nuĭh hăn ntĭm nti gay n'hao rnoh âk nuĭh kan săk blău, wăch rgum nuĭh kan săk blău sĭt pah kan.