VOV4.M'nông: Nkhêp geh râng tâm nchră gưl têh mha êng ASEAN- Hoa Kỳ ta thủ đô Washington D.C., Hoa Kỳ, Bộ trưởng Bộ Công Thương Nguyễn Hồng Diên hŏ pah kan bar ding đah kruanh Bộ An ninh nội địa Hoa Kỳ n'hanh Nhih pah kan mpêr n'har n'hanh Mât njrăng n'har bri Hoa Kỳ, Kruanh Tập đoàn tăch chrai Walmart. 

Bộ trưởng Nguyễn Hồng Diên an gĭt Chính phủ tâm ban kơt Bộ Công Thương Việt Nam ŭch rŏng ntrŭt ntrôl tâm boh wăng sa, tăch rgâl đah Hoa Kỳ, lơn lah đah n'gâng kan choh bok ao, yor aơ lah n'gâng kan geh tât đăp mpăn nău rêh jêng kon nuĭh, dŏng hang rkeh nuĭh kan ta Việt Nam. Geh tât ăp quy định mpeh tăch n'gluh ndơ, Bộ trưởng dăn đă ăp nhih pah kan geh tât bah Hoa Kỳ rdâk njêng nău way tĭng ƀư luật du trong kloh rvah, geh nău tâm ban, đăp mpăn nău geh bah nuĭh kan Việt Nam n'hanh nău geh tâm di bah n'gâng kan tăch n'gluh Việt Nam.

Nuĭh rblang: Điểu Thân