VOV4.M'nông: Tâm rnôk hăn pah kan ta nkual ƀon têh Osaka (Nhật Bản), Bộ trưởng Bộ Lao động Thương binh n'hanh Xã hội Đào Ngọc Dung hŏ tât khâl n'hanh pah kan đah Hiệp hội mât chăm dak si Osaka, geh ăp rơh mâp đah nuĭh kan chính trị n'hanh nghiệp đoàn dơn thực tập sinh ta aơ. Năm 2019, Bộ Lao động Thương binh n'hanh Xã hội hŏ jao an Ntŭk rgum kan nuĭh kan dak bah dih ký ton tâm boh đah Hiệp hội mât chăm dak si Osaka (Nhật Bản).

Aơ lah bôk nău kan kơl dơm, prăk dŏng đêt, trong sơch lăp tâm ban, kloh rvah,  nuĭh kan dơi ntĭm nti nău kan, nău ngơi dak bah dih ăp tŏng rêng, săk blău. Lôch 2 năm geh tât khuch bah nuh srê Covid-19, tât bôk năm 2022, 14 thực tập sinh Việt Nam lor bôk năp hŏ dơi ƀư si ƀŭt lăp pah kan ta Osaka. Gay nchrăp an ăp rơh wơt dơn tay thực tập sinh tâm let năp tay, Hiệp hội dak si Osaka hŏ ƀư lôch jêh rdâk ƀư nkual ký túc xá đah săk ntơ "Hà Nội". Rlău ma nê, Hiệp hội hôm nta âk trong pâl mhe gay thực tập sinh ngăch ƀư bên đah văn hóa Nhật Bản.

Nuĭh rblang: Điểu Thân