Kêng măng 10/3, ta Nhih pah kan Bộ Ngoại giao, Bộ trưởng Ngoại giao Bùi Thanh Sơn hŏ wơt wa Iain Frew, Đại sứ Liên hiệp Vương quốc Anh n'hanh Bắc Ireland ta Việt Nam. Ta rơh mâp, Bộ trưởng Ngoại giao Bùi Thanh Sơn rnê âk Đại sứ Iain Frew hŏ nsrôih an ƀư âk nău kan bar ding tâm bah ri aơ, ntoh lư lah nău bar ding n'gluh nău mbơh nsum mhe  mpeh tâm boh têh jong (9/2020).

Nău bar ding ký ton n'hanh n'glăp dŏng ngăn Hiệp định dah rŏng tăch rgâl Việt Nam – Anh hŏ rgop n'hao dak Anh jêng dak tâm boh tăch rgâl têh tâl 3 ta châu Âu, ntŭk tăch n'gluh têh  tâl 9 bah Việt Nam n'hanh lah dak ntuh kơl khlay bah châu Âu ta Việt Nam, bol tât khuch bah nuh srê Covid – 19. Nkhêp geh rnôk dja, Bộ trưởng Bùi Thanh Sơn dăn đă Đại sứ Iain Frew ntrŭt ntrôl tay ăp nău kan tâm boh geh nău tam tâm ăp trong kan way ơm kơt tăch rgâl – ntuh kơl, ntĭm nti, rnă njrăng- njrăng n'gang neh dak; nkre pơk hvi  tâm boh  tâm ăp trong kan mhe ma Anh săk geh n'hanh tâm di đah trong an hun hao lor bah Việt Nam kơt hun hao kloh uĕh, bên di đah rgâl trôk nar.