Dơn nău jă bah Groi Thủ tướng, Bộ trưởng Ngoại giao n’hanh Quốc phòng Ireland Micheal Martin, Bộ trưởng Ngoại giao Bùi Thanh Sơn dôl geh hăn khâl ngăn tât Ai-len. Bộ trưởng Bùi Thanh Sơn hŏ ôp  srĭng nău Tổng thống Ai-len Michael D. Higgins.

Ta rơh wơt, Bộ trưởng Bùi Thanh Sơn lah rjăp Việt Nam way ŭch rŏng n’hao dăng tâm boh tâm rnglăp n’hanh tâm boh âk ntil đah Ai-len; nsing nơm  ma trong hăn khâl mbra ndrel Ai-len ôp uănh tay ăp tŏng, tâm ban ŭch ăp trong rƀŏng, trong nkra têh gay ntrŭt ntrôl tâm boh bar ding hun hao lam lĕ rngôch n’hanh jru hvi lơn đŏng, tâm di   đah nău ŭch rŏng mpŏng geh bah nuĭh ƀon lan bar dak. Tổng thống Michael D. Higgins, lah rjăp Ai-len mbra nta trong dơh gay nuĭh Việt lăp nsum n’hanh kơt nti đăp mpăn, rgop tay nău khlay ƀư ntung njŏ tâm boh tâm rnglăp bar dak. Bar kruanh rđău kan tâm ban ŭch mpeh nău  bar dak ntrôl dăng kan nsum n’hanh tâm kơl nsum ta ăp ntŭk rgum nchră âk ding, nkra bah tâm lơh tâm su, tâm pit ma trong đăp mpăn, tâm di đah Hiến chương Liên hợp quốc n’hanh luật pháp dak bah dih./.