Ôi ntri (22/8), ta nhih pah kan Bộ Ngoại giao, Bộ trưởng Ngoại giao Bùi Thanh Sơn hŏ wơt Kruanh Thượng viện Bỉ, wa bu ur Stephanie D’Hose dôl geh hăn khâl ngăn Việt Nam ntơm bah nar 21-25/8/2023. Bộ trưởng Ngoại giao Bùi Thanh Sơn uănh năl trong hăn khâl lah nău mpơl uĕh tâm boh tâm rnglăp n’hanh tâm boh uĕh lăng đah Việt Nam n’hanh Bỉ, lah n’gâng tơm khlay tâm boh bar dak.

         Bar ding tâm ban ŭch mbra nta trong dơh an nău rsong hăn bah ƀon lan bar dak gay ntrŭt ntrôl tâm nđŭr ƀon lan tâm ban kơt tâm boh wăng sa, tăch rgâl n’hanh ntuh kơl; tâm boh tay geh nău tam ta ăp rơh rgum nchră âk ding n’hanh dak bah dih, lơn lah bar dak kan nsum lhăt ta Hội đồng Nhân quyền năm kan 2023-2025 rgop tâm nău kan nsum tĭng trong rƀŏng n’hao nău dơi tam, kloh rvah, geh nău tâm ban kalơ nuih n’hâm tâm dâl nău, tâm boh, geh nău tâm ban n’hanh tâm uănh khlay nsum./.