N’gor Dak Nông dôl lor nchrăp tĭng ƀư dăp rgum, glêh tam nuĭh kan tĭng Nghị quyết 18 bah Trung ương. Dak Nông mbra n’hŭch dŭt đêt 20% biên chế sa prăk khay bah ngân sách tâm 5 năm. Wa Nguyễn Thị Thu Hường, Giám đốc Sở Nội vụ n’gor Dak Nông an gĭt, n’gor dôl nsrôih an ƀư Nghị quyết 18-NQ/TW tĭng trong tor lor.

Tĭng nê, n’gor hŏ geh trong nchrăp kan 10 mpôl kan, nhih pah kan, đơn vị gưl n’gor; n’glăp 10 sở jêng 5 sở. Nău dăp rgum, tâm pă cán bộ, lơn lah nuĭh mât bôk ta ăp đơn vị n’glăp nsum dơi ƀư tĭng nuih n’hâm tâm  ban, di ngăn, mbơh kloh, n’hanh mô dơi an geh tih djơh, nde an nău geh mpôl, nku  êng tâm pah kan dăp rgum nuĭh kan n’hanh cán bộ. Nkre, trong nkra dăp rgum dơi rdâk njêng tĭng nuih n’hâm nkrum lam dơi nău dơn kan, dăp rgum, leo ƀư tay nuĭh kan, biên chế, nhih pah pah bah mpôl kan, nhih pah kan, đơn vị bah năp n’hanh bah kơi lôch dăp rgum.