Tĭng nău mbơh tơih, năm 2024, lĕ rnoh ndơ geh GRDP bâh n’gor Nam Định hao klâp ma 10% dăp tal 9 đah lam dak. Nău geh tơm prăk ngih dak geh 14.828 rmen prăk, hao 42% đah năm 2023. Ntoh ngơi ta rơh pah kan, Tổng Bí thư Tô Lâm đă, n’gor Nam Định an geh ƀư leo tay ƀư tĭng geh săk rnglăy nău ntrŭnh kan, nghị quyết bâh Trung ương. Na nê̆ lah mbơh tơih răng dăng Chỉ thị 35 bâh n’gâng kan chính trị mpeh Đại hội Đảng ăp gâl kan mpŏng tât Đại hội Đảng lam dak tal 14, aơ lah nău kan dŭt khlăy tơm tâm năm aơ. An geh ƀư tĭng Nghị quyết 18 bâh trung ương mpeh pă dăp ƀư dơh ueh nău kan chính trị pah kan geh săk rnglăy ngăn ngên, nsrôih tâm khay 2 ƀư lôch gay ma ƀư Đại hội, nău kan lah dơh ueh nơih yơn an geh ƀư tĭng săk rnglăp đah ăp ƀon lan. Di rơh nchrăp vơt Tết Nguyên đán Ất Tỵ 2025, Tổng Bí thư rhơn Đảng bộ, n’gâng kan n’hanh ƀon lan n’gor Nam Định an geh n’hao tay răng dăng lơn nău way ơm cách mạng ƀư tĭng geh nău dơi ăp nkô̆ mpŏng, nău kan lĕ ngluh mbơh.