Măng 15/1 (mông ta ntŭk), Thủ tướng Chính phủ Phạm Minh Chính n’hanh I ur ndrel mpôl đại biểu gưl prêh Việt Nam lĕ tât Thủ đô Warsaw ntơm rơh khâl na nê̆ Ba Lan bah lơ 15-18/1/2025 tĭng nău jă bah Thủ tướng Ba Lan Donald Tusk.

Rơh hăn khâl na nê̆ bah Thủ tướng Phạm Minh Chính tât Ba Lan geh nkô̆ nău khlay đah nău ntrŭt tâm boh 2 dak tâm năm tât; lah di an ăp nuĭh kruanh gưl prêh bah Việt Nam n’hanh Ba Lan mâp, rgâl nâ nê̆ mpeh ăp nău khlay, bah nĕ ndâk njêng nsing nơm n’hanh tâm wât ndrel, tâm ton nău mât n’hanh hun hao tâm boh jŏ jong n’hanh nâp nâl. Nkre rgop n’hao nău nsing nơm chính trị, ntrôl n’hanh ndơ̆ ăp ntil kan ndrel way ơm kơt wăng sa, tăch rgâl, pah kan, văn hóa ntĭm nti nuĭh kan hăn du lvang mhe, tâm di nău ŭch hun hao bah ăp dak; ntrôl kan ndrel tâm ăp ntil nău geh, jâng nsan kơt khoa học công nghệ, thông tin truyền thông, dak si n’hanh tâm rgâl mĭn ƀư mhe.