Tâm rnôk hăn khâl Hàn Quốc tĭng nău jă bah ăp nhih pah kan dŏng pháp luật Hàn Quốc, kêng măng 7/4, Đại tướng Tô Lâm, Bộ trưởng Bộ Công an n'hanh Mpôl đại biểu gưl têh Bộ Công an hŏ tât hăn khâl dơm Thủ tướng Hàn Quốc Han Duck Soo. Ta rơh wơt, Thủ tướng Han Duck Soo rnê âk tâm boh têh dơi jŏ jong lam lĕ rngôch đah bar dak, tâm nê n'hao nsĭt geh tăch rgâl bar ding nar lơn ma hun hao.

Tâm năm 2022, hŏ geh rlău 700 rbăn nuĭh Hàn Quốc hăn tât Việt Nam pâl nđaih n'hanh aƀaơ mpôl nuĭh Hàn Quốc wăng sa tăch rgâl ta Việt Nam nar lơn ma âk. Bộ trưởng Tô Lâm lah uĕh Thủ tướng Han Duck Soo hŏ rong an mông nar wơt mpôl hăn, lah rjăp, Việt Nam way uănh khlay Hàn Quốc lah dak tâm boh khlay dâk bôk năp tâm ăp trong kan wăng sa, chính trị, tâm boh, rnă njrăng, njrăng n'gang neh dak.., tâm nê tâm boh njrăng n'gang neh dak lah n'gâng tơm khlay tâm boh bar dak; lah rjăp, Việt Nam ŭch tĭng trong đăp mpăn ta nkual n'hanh lam ntŭr neh, tâm nê geh nău gôl dak Triều Tiên.