Ôi  22/2, Đại tướng Tô Lâm, Bộ trưởng Bộ Công an hŏ geh rơh pah kan đah Ban Thường vụ Tỉnh ủy Lào Cai.

Ta  rơh pah kan, Bộ trưởng Bộ Công an Tô Lâm rnê  âk nău dơi ma n’gor Lào Cai hŏ geh  tâm bah ri  aơ nơh; nkre mpơl  nău mĭn ŭch tĭng  ăp rnoh tât kan hun hao bah Lào Cai n’hanh ăp trong nchrăp rgum tơm nkre đah nău tĭng ƀư Nghị quyết mbrô 11 bah Bộ Chính trị mpeh trong rƀŏng  hun hao nkual trung du, yôk yang mpeh Bắc.

Đah nău  dơn kan mât đăp  mpăn rnă njrăng, njrăng n’gang nuĭh tih, Bộ trưởng Tô Lâm an lah, mpôl Công an xã ân lah nuĭh n’gâng tơm, ân nchrăp lor  tâm dâng mpeh nău mât rnă njrăng, yor lĕ rngôch ăp  nkô̆ nău geh tât rnă  njrăng luh tơm bah tâm dâng da  dê.

Bộ trưởng Tô Lâm njrăng đă Lào Cai ân uănh khlay pah kan njrăng n’gang,  sŏk njrăng n’gang lam rêh jêng kon nuĭh lah  têh jong, njrăng n’gang nghiệp vụ lah bôk tơm. Lơn lah, ân nsing tâm ƀon lan,  lĕ  nuih n’hâm rhŏ dŏng, kơl ƀon lan, rdâk nău nsing nơm, njêng suan dăng rgum gay rdâk njêng, hun hao neh dak./.