Nar 19/2, Đại tướng Tô Lâm, Bộ trưởng Bộ Công an hŏ pah kan đah Ban Thường vụ Tỉnh uỷ Ninh Bình. Lah ta rơh pah kan, Bộ trưởng Tô Lâm mbah rhơn, rnê âk ăp nău dơi ma Đảng bộ, n’gâng kan n’hanh ƀon lan n’gor Ninh Bình hŏ  dơi  geh tâm  bah ri aơ.

Bộ trưởng Tô Lâm dăn đă  n’gor grêt dăch tay nău rđău kan bah Trung ương Đảng, Chính phủ, Quốc hội, lơn lah an tĭng ƀư geh nău tam Nghị quyết 30 bah Bộ Chính trị mpeh hun hao wăng sa- rêh jêng kon nuĭh, đăp  mpăn njrăng n’gang neh dak, rnă njrăng nkual đồng bằng Sông Hồng tât năm 2030, uănh ngai tât năm 2045.  Đah nău tĭng ƀư nău dơn kan hun hao wăng sa- rêh jêng kon nuĭh, Bộ trưởng Tô Lâm dăn đă Ninh Bình ân uănh khlay hun hao công nghiệp, wăch rgum  ntuh kơl, pâl nđaih n’hanh rhŏ dŏng. Ntik n’hao, mbluh soih tơm  ndơ, rgum suan dăng ƀon lan  gay rdâk  njêng hun hao  wăng sa- rêh jêng kon nuĭh bah  n’gor./.