Nar ntri (21/6), ta Hà Nội, Đại tướng Tô Lâm, Ủy viên Bộ Chính trị, Bộ trưởng Bộ Công an hŏ rgum nchră đah Tư lệnh Nhih pah kan Cảnh sát dak lêng Hàn Quốc Kim Jong-uk dôl geh hăn khâl n’hanh pah kan ta Việt Nam. Gay n’hao dăng lơn đŏng tâm boh đah bar ding tâm let năp tay, ta tâm nchră, bar ding hŏ tâm ban ŭch mbra nsrôih an ƀư ăp trong tâm ton tâm boh khlay ma Hàn Quốc săk geh n’hanh tâm di đah nău ŭch geh bah Bộ Công an.

Leo ƀư ăp bôk nău kan kơi năp nti, ntĭm nti n’hao nău dơi kan an Cảnh sát trong dak, Bộ Công an Việt Nam gay ƀư tơm duk rsong hăn treng nđôi tă bah Cảnh sát dak lêng Hàn Quốc kơl. Ƀư tâm khâl nsum gay rƀah gĭt ngăn ngăn nău lư nău kan bah Cảnh sát dak lêng Hàn Quốc n’hanh Cảnh sát Giao thông Việt Nam, ntơm bah nê n’gluh ăp trong nchrăp tâm  boh ngăn ngăn gay ndơ̆ tâm boh bar ding nar lơn ma tâng jru, tâm di  đah săk geh tâm boh bah bar nhih pah kan./.