Kêng măng 15/5, ta Hà Nội, Bộ Công an ƀư Lễ wơt ngăn Mpôl ntơh măt gưl têh Bộ Nội vụ Cộng hòa Cuba tă bah Bộ trưởng Bộ Nội vụ Cu Ba ƀư Kruanh Mpôl leo hăn khâl, pah kan ta Việt Nam.

Lôch wơt, bar bộ trưởng ƀư tâm nchră. Mbah rhơn mpôl ntơh măt gưl têh Bộ Nội vụ dak Cộng hòa Cuba tât  khâl ngăn n’hanh pah kan đah Bộ Công an Việt Nam, Bộ trưởng Tô Lâm lah rjăp, ta năp nô nău nuĭh tih âk, lơn lah nuĭh tih rloh rlău neh dak, nuĭh tih  công nghệ cao n’hanh ăp ntil nuĭh tih mô way ơm geh êng ƀa ƀă, nar lơn ma đăng n’hanh jêr rdâng lơh, nău pơk hvi n’hanh n’hao dăng tâm boh đah Bộ Công an Việt Nam n’hanh Bộ Nội vụ Cuba lơn ma jêng khlay n’hanh yor ma nău geh rnă njrăng bah ăp dak. Ta rơh tâm nchră, bar ding hŏ tâm ban ŭch: n’hao dăng tâm ôp ăp nău tă ơm gĭt kan, ndơ rnă dŏng n’hanh ntĭm nti n’hao nău dơi kan an sỹ quan cảnh vệ, lơn lah ăp kỹ thuật mât njrăng kơt njrăng, n’gang, ban saơ, nking nchăng nău mplư  mpôl lơh ndjơh; An ƀư tâm boh gŭ mĭn ƀư njêng ăp ntil dak si, vaccine, chế phẩm sinh học, tâm nê geh ăp ntil dak si hŏ njêng geh nău dơi n’hanh n’glăp dŏng an nuĭh ji ta Cuba…