VOV4.M'nông: Kêng măng 27/4, ta Hà Nội, Đại tướng Tô Lâm, Bộ trưởng Bộ Công an, hŏ wơt wa Gunnar Wiegand, Tổng Vụ trưởng mât uănh châu Á - Thái Bình Dương, Nhih pah kan tâm boh dak bah dih châu Âu dôl geh hăn khâl, pah kan ta Việt Nam. Lah ta rơh wơt, Bộ trưởng Tô Lâm dăn đă, let năp tay,  Liên minh châu Âu (EU) tâm pă tay nău tă ơm gĭt kan mpeh mât đăp mpăn rnă njrăng mạng đah ăp ndơ dŏng nkoch trêng nău lư tơm khlay, nău tă ơm gĭt kan mât prăp rgum nău lư rloh rlău n'har bri, nău way mât prăp nău lư tâm du đêt trong kan khlay; n'hao dăng tâm nchră, tâm nkoch nău mĭn, râng rdâk njêng, lôch jêh rêng kan tâm di neh dak mpeh rnă njrăng mạng, nkô̆ nău ƀư tơm neh dak ta trôm mạng, tâm rlăch ndăng mạng. wa Gunnar Wiegand lah rjăp, tâm boh đah EU- Việt Nam dôl hun hao mô dơn n'glĕ ta wăng sa, tăch rgâl, ntuh kơl ma hôm tâm boh mpeh chính trị, rnă njrăng đŏng- ăp ndơ tâm boh tơm khlay têh jong./.

Nuĭh rblang: Điểu Thân