Tâm rlong nchoăt Việt dã n’gor Đắk Lắk năm aơ geh 17 mpôl tâm rlong ta 2 rmôt nkuăl, nkuăl ƀon têh n’hanh rmôt kan ăp ntŭk kan, ngih nti, câu lạc bộ tât râng. Ăp nuĭh tâm rlong ta ăp nău nchoăt ngai bâh 2-5km đah 8 nkô̆ nău tâm rlong geh: du hê bu klô, du hê bu ur, bu klô nsum, bu ur nsum, bu klô mom n’hanh bu ur mom.

Lôch rơh tâm rlong, rnâng kan leo kan lĕ pă huy chương an ăp nuĭh tâm rlong geh giải ngoăy, bar, pe ta ăp nkô̆ nău dơi. Pă cờ nsum mpôl an ăp mpôl geh nău dơi ta ăp nkô̆ tâm rlong n’hanh giải ngoăy, bar, pe lĕ mpôl an ăp rmôt tât râng. Rơh tâm rlong nchoăt geh ƀư ăp năm gay ma nta nău dơh nơih an ăp nuĭh tâm rlong n’hao nău tât râng tâm rlong, tâm nđur, tâm mbơh nău tă gĭt blău kan n’hanh n’hao nău gĭt blău pah kan, ntop ntrôl nău tiăr nti săk soan bâh tâm rlong nchoăt n’hanh ntrôl nău kan thể thao lĕ ƀon lan an hun hao.