Măng 15/9, Bôk nau kan “Ngan piăng tâm mpir” Buôn Ma Thuột, n’gor Dak Lak ƀư măng nhạc Blouse nglang, rgŏ jă bôk nau kan kơl an 15 rbăn ngan piăng kơl an nŭih ƀon lan mpeh Bắc khuch phŭt rmô 3. Tâm bôk nau kan, ăp nai dai si tâm Dak Lak, Thừa Thiên Huế ndrel nkual ƀon têh Hồ Chí Minh ndrel ăp nŭih nŭih mprơ, nkeh nhạc hŏ ntoh âk nau mprơ đah nau ŭch rŏng neh dak ndrel kon nŭih, nau rnơm rnoi mpôl.

Rnâng kan bôk nau kan dŏng dĭng lĕ rnoh prăk rgop dơi tâm măng aơ gay ma pă piăng ân ăp ngih dak si tâm 3 n’gor Yên Bái, Tuyên Quang ndrel Lào Cao, lah ăp nŭih geh khuch hô ngăn. Jêh 8 năm kan, tât rnôk aơ Bôk nau kan Ngan piăng tâm mpir Buôn Ma Thuột hŏ bonh đă rgop geh 30 rmen, tŏng kơl an du rkeh n’gul nklâm piăng kơl an ăp nŭih ji ndrel nŭih tâm rnăk vâl geh nau rêh jêr jŏt tâm 15 ngih dak si tâm n’gor Dak Lak./.